wrapper

Жаңалық

Аудан жаналықтары

ТҮРКІСТАН ОБЛЫСЫ ТАБИҒИ ӨСІМ БОЙЫНША РЕСПУБЛИКАДА КӨШ БАСЫНДА

    Өткен 2018 жылы Түркістан облысындағы халықтың саны 3,5 мыңнан астамға артып, халық саны өскен. Табиғи өсім бойынша елімізде көш бастаған облысымыздағы статистикалық ахуал бойынша бүгін облыстық статистика департаментінің басшысы Айдар Әбілдабеков өңірлік коммуникациялар қызметінде өткен баспасөз конференциясында баяндады.

    Мәліметінше, 2018 жылғы 1 желтоқсанға Түркістан облысы халқының саны 1 977 768 адамды құраса, соның ішінде қалалық жерде 387 214 адам (19,6%), ауылдық жерде 1 590 554 адам (80,4%) өмір сүреді. Яғни, 2017 жылғы 1 желтоқсанмен салыстырғанда халық саны 3 354 адамға немесе 0,2% өсті.

     "Облыста 2018 жылғы қаңтар-қарашада халықтың табиғи өсімі 40 815 адамды құрады және 2017 жылғы тиісті кезеңмен салыстырғанда 3%-ға (1 188 адамға) артты. Республика бойынша біздің облыс туу мен табиғи өсім көрсеткіштері бойынша 1 орында. 2018 жылдың қаңтар-қарашасында облыс туу бойынша республика деңгейінде алдыңғы қатарда көрінді, оның үлесі 13,6%-ды немесе 49 978 туылғандарды құрады. (2017 жылғы қаңтар-қарашада – 49 077 бала туылды). 2018 жылғы қаңтар-қарашада 1000 қыз балаға 1062 ұл бала туылды, бұл жерде ұл балдардың көп туылу тенденциясы әлі де сақталуда. Қарастырылып отырған кезеңде қайтыс болғандар саны 9 163 адамды құрады, бұл 2017 жылғы қаңтар-қарашаға қарағанда 3%-ға аз. (2017 жылғы қаңтар-қарашада – 9 450 адам)", - деді Айдар Ахметбекұлы.

    Департамент басшысы баяндамасында 2018 жылғы қаңтар-қарашада көші-қонмен тіркелген облысқа келген халықтың саны 92 678 адамды құраса, оның 40 189 адамы – Қазақстанның басқа облыстарынан, 518 – ынтымақтастық елдерінен, 19 адам - алыс шет елдерден келгендер. Облыс ішіндегі көші-қон 51952 адамды құрады. 2017 жылғы қаңтар-қарашамен салыстырғанда Қазақстанның басқа облыстарынан келгендердің саны – 70,9%-ға, ал ТМД елдерінен келгендердің саны – 29,2%-ға, ал шет елдерден келгендердің саны 2,1 есеге артқан.

    Коммуникациялар қызметінде, сондай-ақ, өткен жылы Түркістан облысы халқының орташа бір айда жан басына шаққандағы атаулы ақшалай табыстары 42 829 теңгені құрап, 2017 жылдың тиісті кезеңімен салыстырғанда 12,8%-ға, ал нақты ақшалай табыс 6,9%-ға өскені айтылды. Ал халықтың ақшалай табыстарының басты көзі – еңбек қызметінен түскен табыстар, олар барлық ақшалай табыс түсімдерінің 79,2%-ын құрапты.

Толығырақ

ТҮРКІСТАНДА ЖАРЫҚШАМДАР ШЫҒАРАТЫН ЗАУЫТТЫҢ ІРГЕТАСЫ ҚАЛАНДЫ

Бүгін Түркістан қаласындағы индустриалды аймақта жарықшамдар шығаратын зауыттың капсуласы салынды. Салтанатты іс-шараға Түркістан облысының әкімі Жансейіт Түймебаев, Қытайдың «Tai-Tur Energy» ЖШС-нің директоры Чэнь Хуей және «Source Energy» компаниясының бақылаушылар кеңесінің жетекшісі Оралбек Ботбай қатысты.

Бұған дейін қытайлық инвесторды облыс әкімі Жансейіт Түймебаев арнайы қабылдап, сол кездесуде екіжақты меморандумға қол қойылған болатын. Жиында өңір басшысы Түркістан облысында инвесторларға қолайлы жағдай жасалғанына тоқталды. Өндірісті дамытуға, жұмыссыздықты азайтуға бағытталған жобаларды бірлесіп атқаруға дайын екенін жеткізді.

«Түркістан — еліміздегі тұрғындар саны көп облыстардың бірі. Мұнда кәсіпкерлікті, өндірісті дамытуға зор мүмкіндік бар. Жұмыс күші де, инвесторларға арналған қолдау да жеткілікті. Индустриалды аймақтан арнайы 5 гектар жер беріліп отыр. Зауыттың құрылысы уақтылы әрі сапалы жүргізілуі тиіс», — деді облыс әкімі.

«Tai-Tur Energy» — Қытай Халық Республикасындағы ең беделді компаниялардың бірі. Бұл компанияның диодты әрі электрүнемдегіш жарықшамдары Қытайдың ірі қалаларында қолданысқа енгізілген. Көшелер мен ірі магистральдарды және алып ғимараттарды жарықтандыру ісінде үлкен жетістікке жеткен. Жобалары да ауқымды. Аталған компания елімізде бірінші рет Түркістан облысына инвестиция салуға қол жеткізіп отыр. Инвестицияның құны — 200 млн. АҚШ доллары.

Түркістандағы индустриалды аймақта іргетасы қаланған компанияның құрылысы 3 жылда аяқталады деп күтілуде. Осы арқылы бастапқыда 700 адам жұмыспен қамтылмақ. Сұраныс пен өндіріс қуаттылығына сай жұмысшылар саны артуы мүмкін. Зауыттың өнімдері Қазақстаннан бөлек көршілес маемлекеттерге де экспортталады.

Толығырақ

ТҮРКІСТАНДА ЖАСТАР ЖЫЛЫНДА КӨП ФУНКЦИОНАЛДЫ «CO-WORKING» ОРТАЛЫҒЫ АШЫЛАДЫ

    Бүгін Түркістан өңірлік коммуникациялар қызметінде Елбасы Нұрсұлтан Назарбаевтың 2019 жылды Жастар жылы деп жариялауына орай, Түркістан облыстық жастар ресурстық орталығының басшысы Береке Дүйсебеков арнайы баспасөз конференциясын өткізді. Спикерлердің қатарында жас ақын Мұқағали Кенжетайұлы мен Ясауи атындағы ХҚТУ-ң студенті Үміт Рахымжанқызы да болды.

Жастар жылына қатысты түркістандық жастардың биылғы жаңалығы қандай болмақ деген тақырып аясында сөз бастаған орталық басшысы таяу күндері облыс орталығы – Түркістан шаһарында елімізде алғаш рет, басқа өңірлерде кездеспейтін көп функционалды үлкен жастар орталығы ашылатынын жеткізді.

    "Бұл орталық нені қамтиды? Бүгінгі Елбасымыз айтқан тапсырмаларды, оның ішінде, жастарды білімге, ғылымға, инновациялық жобаларға бағыттау, яғни оларды оқытып, үйрету сынды қызметтерді өз міндетіне алатын болады. Сонымен қатар, Мемлекет басшысы жиында жастардың мамандық таңдау мәселелерін де айтып өтті. Ол бойынша аталған орталықта жастардың барлығына заманауи үлгіде жабдықталған, тегін вай-фай, ғаламтор сынды қажеттіліктермен қамтамасыз етілген «Сo-working» орталығы, яғни арнайы жұмыс алаңы қызмет ететін болады. Бұл дегеніміз, кез келген жас азамат осы Түркістан қаласында өз ісін ашып, кәсіпкер болса, ол бір жерден кеңсені ашу үшін қаншама ақшаға кеңсе жалдап, шығындалады. Ал біздің оған мемлекет тарапынан көмегіміз тегін жұмыс орнын береміз. Яғни, кәсібінің аяққа тұрып, дамып кетуіне атсалысатын боламыз. Айта кету керек, ол үшін бізде барлық жағдай бар. Биыл облыстық «Жастар ресурстық орталығы» КММ-на 3 қабатты 1500,0 шаршы метрлік ғимарат беріліп, жастар үшін барлық жағдай жасалды. Орталық жанында  IT park, «Сo-working» орталығы, «Жастарды кәсіпкерлікке бейімдеу» бөлімі және «Саяхатшылар ассоциациясы»  еріктілер тобының бөлімі жұмыс жасайды", – деді Б.Дүйсебеков.

    БАҚ өкілдерімен кездесуде орталық жетекшісі Түркістан қаласындағы жастардың шет тілін жетік меңгеруі үшін аталған көп функционалды орталықта шет тілдер мектебі тегін жұмыс істей бастайтынын хабарлады. Онда бірінші кезекте, ағылшын, орыс, түрік, қытай тілдері үйретіліп, бұл өз кезегінде шаһардың туристік әлеуетін одан әрі арттыруға септігін тигізетінін жеткізді.

    Ел Президентінің бүгінгі жастармен басқосуында оларды білімге, ғылымға, инновациялық жобаларды ойлап табуға бағыттау арқылы коммерцияландыруға бейімдеу қажеттігін баяндаған Б.Дүйсебеков бұл ретте де түркістандық әкімдік мамандарының тиісті жұмыстарды атқарып жатқанын, дарынды жастарды ауылды жерлерден іздестіріп, оларға жағдай жасау мәселесі ойластырылып жатқанын жеткізді.

    Мұнан бөлек, баспасөз отырысында жас ақын Мұқағали Кенжетайұлы мен Ясауи атындағы ХҚТУ-ң студенті Үміт Рахымжанқызы Ұлт Көшбасшысы Нұрсұлтан Әбішұлының бүгінгі жастармен басқосуы еліміздің келешегі – жастарымызға рух беріп, олардың Отанымызды көркейтіп, дамытуына одан әрі күш беретініне сенімі мол екендерін айтты. Сондай-ақ, Елбасының бүгінгі тапсырмаларын орындауды әрбір жас өз міндетіндей көріп, барша замандастарын аянбай еңбек етуге шақырды.

Толығырақ

Қазығұрт ауданы әкімінің ауданының 2018 жылғы әлеуметтік-экономикалық даму қорытындысы туралы

 

Қазығұрт ауданы әкімінің ауданының 2018 жылғы әлеуметтік-экономикалық даму қорытындысы туралы баяндамасының тезистері

 

Елбасы Н.Ә.Назарбаевтың «Қазақстандықтардың әл-ауқатының өсуі: табыс пен тұрмыс сапасын арттыру» атты Қазақстан халқына арнаған Жолдауын жүзеге асыру мақсатында ауданымызда бірқатар іс-шаралар жоспары бекітіліп, жүйелі жүзеге асырылуда.

Ауданымыздың жалпы өңірлік өнім көлемі 2018 жылдың қорытындысымен 107 520,8 млн. теңгеге орындалып, өткен жылдың тиісті кезеңімен салыстырғанда 109,8 пайызды құрады. 2018 жылдың қорытындысымен тартылған инвестиция көлемі 18778,9 млн. теңгеге орындалып, өткен жылдың тиісті кезеңімен салыстырғанда 10,0 пайызға артты.

2018 жылға аудан бюджетінің жалпы көлемі 17 100,0 млн. теңгеге бекітіліп, бюджетті нақтылау барысында 3 634,0 млн. теңгеге артып, жылдық жоспар 2 0734,0 млн. теңгені құрады, жылдың қорытындысымен 100,0 пайызға бюджет қаржысы игерілді.

Ішкі кіріс бөлігінің 2018 жылғы жоспары 1 579,9 млн. теңге болса, нақты 1 617,3 млн. теңгеге, 102,4  пайызға (37 326,8 млн. теңге артық) орындалды.

Өңіріміздегі өнеркәсіп өнімі көлемінің жыл сайын артуына ауданымызда ашылған индустриалдық аймақтың үлесі мол.

 Бүгінгі таңда «Қазығұрт» Индустриялдық аймағы жалпы (13 гектар жерге)  2.3 млрд. теңгелік,  7 жобаға жер телімі берілген. Одан: 2016-2017 жылдары 3 жоба іске асырылып, 2018 жылдың қараша айында 1 жоба «Көрік ШҚ» ЖШС-ның құны 589,0 млн. теңгелік 20 жұмыс орнын құрайтын «Алкогольсіз табиғи шырын сусындар шығару» жобасы іске қосылды. Ал 3 жоба 2019 жылдарға іске қосылуы жоспарланған («Асыл бастау KZ» ЖШС  602,7 млн. теңгелік «Құрғақ сүт және сары май шығару» жобасы,«Ақ-ниет 5» ӨК-нің құны 125,0 млн. теңгелік «Темір бетон өнімдері» жобасы, «КН экспорт 777» ЖШС 112,7 млн. теңгелік«Жиһаз шығару» жобасы).

Ауданымызда кәсіпкерлік саласы да тұрақты түрде дамуда. Дамудың жарқын көрінісі ретінде «Өңірлер кәсіпкерлігін қолдау» бағдарламасынан тыс жалпы құны 135,0 млн.теңгелік 2 жоба іске қосылғанын айтуға болады («Қазығұрт айна» ЖШС-ның сұйық шыны өндірісі – 85,0 млн. теңге, «UNIFRUTTI GOLD» ЖШС-ның жемістер мен көкөністерді өңдеу арқылы диеталық пюрелер шығару өндірісі – 50,0 млн. теңге).

Аудан көлемінде жұмыс істеп тұрған 18 кәсіпорын бар.

2018 жылы ауданымыздағы өнеркәсіп кәсіпорындарында 7427,9 млн. теңгенің өнімі өндіріліп, өткен жылдың тиісті кезеңімен салыстырғанда нақты көлем индексі 104,2% құрады.

 

Шағын және орта бизнес.

Ауданымыздағы шағын және орта бизнес саласы қарқынды дамуда. 2018 жылы 32 шағын жоба іске қосылып, 288 адам тұрақты жұмыспен қамтылған.       

Ағымдағы жылы жұмыс істеп тұрған шағын және орта кәсіпкерлер саны 7792 жетіп, жоспар бойынша 121,1 пайызға өсті. Сонымен қатар, 11660 адам жұмыспен қамтылған. Олардың өндірген өнім көлемі 50 723,3 млн.теңгені құрады.

Шағын және орта кәсіпкерлік саласын дамыту мақсатында қаржы ұйымдарынан 2018 жылы 6372 тұлғаға 2776,8 млн. теңге несие берілді. Негізгі басым бағыты – ауыл шаруашылық саласы бойынша. 

«Бизнестің жол картасы - 2020» бағдарламасы аясында жалпы 45 жоба қолдау алған болса 2017 жылы 12 жоба орнына 13 жоба мақұлданып, 65 жұмыс орны ашылды.  2018 жылдың 3 жоба қосымша қолдау алып, нәтижесінде 30 жұмыс орны ашылды.

Ауданымыз аграрлы екенін ескеріп, ауыл шаруашылығының дамуына ерекше назар аударудамыз. Бұның айқын нәтижесі ретінде облысымызда қараша айында өткен «AGROFEST-2018» ауыл шаруашылығы фестивалі өтіп, аудан диқандарының қажырлы еңбегінің арқасында «Астық өсіруші озат аудан», «Агроөнеркәсіп кешенінің даму бағдарламасы көрсеткіштерін озат орындаған» номинациясы бойынша жүлделі 2-ші орынға ие болдық.Сондай-ақ «Озат жүзім өсіруші» номинациясы бойынша «Амангелді» ЖШС, «Озат мал бордақылаушы» номинациясы бойынша «Қайып ата» ЖШС марапатталды. Өңіріміздің көкөніс, бақша дақылдары еліміздің барлық облыстарына жөнелтіліп қана қоймай, сондай ақ Өзбекстан (Бидай 1500 тонна, Ет 1840 тонна), Ресей (Жүзім 280 тонна, Көкөніс 540 тонна, Шұжық 21 тонна), Қытай (Өсімдік майы 60 тонна), Иран (Ет 300 тонна) мемлекеттеріне дейін экспортталып жатыр.

Есепті жылдық қорытындысы бойынша ауыл шаруашылығының жалпы өнім көлемі  35 508,4 млн. теңгені құрап, нақты көлем индексі 102,0 пайызды құрады. Өңіріміздегі егіс көлемі 83 983,1 гектарды құрады. 13500 гектар суармалы жер толығымен игерілді.

2018 жылы дәндік жүгеріден 2570 тонна, көкөністен 51500 тонна, бақшадан 14200 тонна, ақтүйнек 8300 тонна  өнім жиналды.

Ал масақты дақылдардан 103 052,3  тонна өнім жиналды.

Бидайдың орташа өнімділігі 24,5 центнерге артты.

29 гектарға қосымша жылыжайлар ұлғайтылып,  оның жалпы көлемі 130 га жетті. Осы жылыжайлардан жыл бойына 38,8 мың тонна көкөніс өнімдері жиналды.

Жыл басынан фермерлерге «Ырыс» қаржыландыру ұйымы арқылы төменгі пайызбен 45 жобаға 238,6 млн. теңге несие берілді.

«Сыбаға», «Алтын асық», «Құлан», «Жұртшылық табынға асыл тұқымды бұқа» бағдарламаларының аясында 2611 мал басы сатып алынып тапсырма артығымен орындалды.

 2018 жылы ауданда 9050 бас мал бордақыланып, 22 900,6 тонна ет өндірілді.

Шағын жанұялық сүт фермаларын ашу бойынша бүгінгі таңға 97 ферма ашылып, алға қойылған мақсаттар 106,6 пайызға орындалды.

Аудандағы ірі қара мал басы 79,1 мың басқа, қой-ешкі 329,6 мың басқа, жылқы 32,9 мың басқа, құс 83,5 мың бірлікті құрады. Мал бордақылау алаңдар саны 392 бірлікті құрап меже 101,0 пайызға орындалды.

Мал өнімдері 2018 жылдың қорытындысымен: ет 22 900,6 тн. сүт 55 565,1 тн. жұмыртқа 7 118,0  мың дана өндірілді.

 

 Білім беру саласы бойынша

Ауданда 71 жалпы білім беру мекемелері, 2 мектептен тыс қосымша білім беру мекемесі, 13 мемлекеттік және 55 жекеменшік  балабақша жұмыс атқаруда.

2018-2019 оқу жылында білім ордаларында 31463 оқушы білім алуда.

Ұлттық бірыңғай тестілеу қорытындысы бойынша ауданның орташа балы 2018 жылы 76,2 балды құрады.

Ауданда мектепке дейінгі тәрбие беру мекемелерінің желісі ұлғайтылуда. 2018 жыл соңына  3-6 жастағы 9007 баладан  8420 бала қамтылып, 93,4% құрады.

Бағдарламаның ең өзекті көрсеткіштерінің бірі – апатты мектептерді жою. Осыған орай 2018 жылы ауданымызда 1 187,2 млн. теңгеге   2 білім ордасы салынып, пайдалануға берілді. Оның ішінде:

Ұлттық қордан 769,8 млн. теңгеге 1 мектеп. (Қызылсеңгір жом);

Аудандық бюджеттен 417,4 млн. теңгеге 1 мектеп (Құдайназаров ном);

Сонымен қатар аудандық бюджеттен 435,6 млн. теңгеге Қазығұрт елді мекеніне қарасты «Болашақ»  мөлтек ауданынан  100 орындық өнер мектебі пайдалануға тапсырылды.

Облыстық бюджетен Зағңар, Тілектес жалпы орта мектептерінің құрылысына 2018 жылы жалпы 270,0 млн. теңге, 2019 жылы 974,1 млн. теңгеге құрылыс жұмыстары жүргізілуде.

2019 жылы Ащыбұлақ, Өндіріс, Қазығұрт елді мекендерінен мектеп құрылысына жалпы 550,0 млн. теңгеге қаралды.

Республикалық бюджеттен Жылыбұлақ, М.Әуезов жалпы орта мектептерін құрылысына жалпы 1 811,7 млн. теңге қарастырылып, 2018 жылы 1 084,8 млн. теңге игеріліп, 2019 жылы 726,9 млн. теңгеге құрылыс жұмыстары жүргізілуде.

Аққұм және Акбаров елді мекендерінен 100 орындық 2 мектептің құрылысына аудандық бюджеттен 1 115,0 млн. теңге қаралып, құрылыс  жұмыстары өндірістік кестеге сәйкес жұмыс жүргізілуде.

11 білім беру мекемелерін газбен қамтамасыз ету құрылысына 66,1 млн. теңге қаралып, пайдалануға берілді. 2019 жылы 2 мектепті газбен қамтамасыз етуге 18,4 млн. теңге қаралса 2 мектепті газбен қамтамасыз етуге ЖСҚ әзірлеуге 7,0 млн. теңге қаралды.

 2019 жылы 7 мектептің жобалық сметалық құжаттарына сараптама қорытындысы 10 мектептің  құрылыс жұмыстарына жобалық сметалық құжаттар әзірленуде.

2018 жылы 4 мектепті күрделі жөндеуден өткізуге 190,7 млн. теңге қаржы қаралды, (Комсомол, Қазанның ХХХ ж, Жаңатірлік, «Таң» бастауыш), сонымен қатар, білім мекемелерінің ағымдағы жөндеуден өтуіне 30,0 млн. теңге қаралып, мектеп ғимараттарын жөндеу жұмыстары жүргізілді.

2019 жылы 244,9 млн. теңгеге 2 мектеп (Ө.Жамалов, Қызылдихан) күрделі жөндеуден, 1 мектеп 5,9 млн. теңгеге (Атбұлақ мектебі) ағымдағы жөндеуден өткізіледі.

 

 

Денсаулық сақтау саласы

Ауданымызда денсаулық сақтау саласындағы көрсеткіштердің жақсаруы байқалады. Әлеуметтік маңызы бар онкологиялық (Қазығұрт–45,4) және туберкулез (Қазығұрт–1,9) ауруларының өлім-жітім көрсеткіші жыл сайын тұрақты төмендеуде. Аудан халқына 63 емдеу мекемесі қызмет көрсетеді.

2018 жылы диспансерлік есепте тұратын науқастар 167,3 млн.  теңгеге тегін  дәрі-дәрмекпен толық қамтамасыз етілді.

 

Спорт саласы

Салауатты өмір салтын қалыптастыру мақсатында,ауданда дене шынықтыру және спортпен шұғылданатындар саны 2018 жылы 29 916 адамға жетіп отыр. Бұл -  аудан халқының 28,2 пайызын құрайды.

Жалпы спорт  нысандарының  саны 2018  жылы 270 –ге жетті. (4 спорт кешені, 6 спорттық манеж, 56 спорт зал, 16 ату тирлері, 188 жазық спорт  алаңдары мен  алаңшалары,  1 спорттық ядро бар).

Салауатты өмір салтын қалыптастыруда. 2018 жылы 377 спорттық іс шара өткізіліп, оған 25456 адам тартылды.

Аудан спортшылары чемпионаттар мен біріншіліктерге қатысып, 39 алтын, 72 күміс, 124 қола медальға қол жеткізді. Спортшыларымыз бокстан, ушу-саньдадан Республика чемпионы және спорттың самбо түрінен Азия чемпионы атанды.

Қазығұрт елді мекеніне  қарасты «Болашақ» мөлтек ауданынан 210 орынға арналған денешынықтыру-сауықтыру кешенінің құрылысы аяқталып, пайдалануға берілді.

 

Мәдениет және тілдерді дамыту бойынша

          «Болашаққа бағдар: Рухани жаңғыру» бағдарламасы аясында ауданымызда әлеуметтік маңызы бар және мәдени бірқатар іс-шаралар жоспарланып, ағымдағы жылы 890 іс-шара өткізілді.

Кітапханада оқырмандар мен келушілерге заманауи талапқа сай қызмет көрсету мақсатында аудандық орталық кітапханадан 4,5 млн. теңгеге коворкинг орталығы ашылды.

Сондай-ақ, Еңбекші ауылдық мәдениет клубы аудан бюджетінен 31,5 млн. теңгеге күрделі жөндеуден өткізілді.

           

Жұмыспен қамту саласы

«Нәтижелі жұмыспен қамту және жаппай кәсіпкерлікті дамытудың 2017-2021 жылдарға арналған» бағдарламасы  аясында 2018 жылы 3853  адам тартылады деп жоспарланған болса, нақты 4097 азамат бағдарламаға тартылды, жылдық жоспар 106 пайызға орындалып отыр. Ауданда жұмыссыздық деңгейі 5,0 % құрап,  жұмыссыздар саны 2431 адам болды.

2017 жылы 2 рет жәрмеңке өткізіліп, барлығы 91 мүмкіндігі шектеулі азаматжұмысқа орналастырылса, 2018 жылы мүмкіндігі шектеулі азаматтарды жұмысқа орналастыру жоспары 88 адам болса, 90 азамат жұмысқа орналастырылып,  жоспар  толығымен орындалды.

2017 жылы 732 азамат демалыс орындарына жіберілсе, 2018 жылы барлығы – 801 жекелеген санаттағы азаматтар демалыс орындарына жіберілді.

2017 жылы мұқтаж мүгедектерді қол арбалармен қамтамасыз ету үшін аудан бюжетінен 6,0 млн. теңгеге 73 қол арба және облыстан 30 қол арба алынып, өтініш берген мұқтаж жандар қоларбамен толық қамтамасыз етілді.  2018 жылы  аудан бюжетінен 2500,0 мың теңге қаржы қаралып  28 қол арба  алынды және облыс бюджетінен 51 қол арба алынып, барлығы  79  қол арба  таратылып  берілді.

 

«Дипломмен ауылға» жобасы аясында 2018 жылы 87 маманға 14,6 млн. теңгеге көтерме жәрдемақы, 26 маманға 92,2 млн. теңгеге тұрғын үй сатып алуға жәрдемақы берілді.

2019 жылы 100 маманға 17,7 млн. теңгеге көтерме жәрдемақы, 40 маманға 151,5 млн. теңгеге тұрғын үй сатып алуға жәрдемақы беріледі.

Халықты қажетті инфрақұрылыммен қамтамасыз ету бойынша жұмыстар жалғасуда.

Ауыз су бойынша:

Аудан бойынша 64 елді мекеннің бүгінгі таңға 42 елді мекені ауыз су құбырымен қамтылған. Шарапхана елді мекенін ауыз сумен қамтамасыз ету құрылысы мердігер тарапынан толық аяқталған. Бүгінгі күні тұрғындар тарапынан ауыз су құбырларын қосу жұмыстары жүргізілуде. 2018 жылы 8 елді мекенге (Ескі Шанақ, Жұмысшы, Жаңаталап, Тесіктөбе, Жігерген, Дихан, Талдыбұлақ, М.Өтемісұлы,) орталықтандырылған су құбырын жүргізуге республикалық бюджеттен қаржы қаралды 2019 жылға өтпелі болса, 2019 жылы облыстық бюджеттен 6 елді мекенге (Қарабастау, Заңғар, Майлыошақ, Қызылсеңгір, Тұғыртас, Ақбастау) елді мекендердің құрылыс басталады және Жобалық сметалық құжаттары әзірленген 3 елді мекен (Жеңіс, Ызабұлақ, Аққұм) облыстық бюджетке ұсынылды 2019 жылы құрылыс жұмыстары жүргізілетін болады.

Жігерген ауыл округі Айнатас және Тұрбат ауыл округі Қызылдихан елді мекендеріне ауыз су жүйелерінің құрылысына жобалық-сметалық құжаттамасын әзірлеу үшін 7,0 млн теңге қаржы бөлінді. 2020 жылы құрылыс жұмыстарын бастау жоспарлануда. Нәтижесінде 2021 жылы 61 елді мекен таза ауыз сумен қамтылады.

 «Өңірлерді дамыту» бағдарламасы бойынша 2018 жылы 5 елді мекендегі ауыз су жүйелеріне (Қазығұрт, Қосағаш, Алтынтөбе, Қаржан, Ынталы, Қызылқия, Ақжар, Еңбекші, Қ.Мәмбетұлы)  107,2 млн. теңгеге ағымдағы жөндеу жұмыстары жүргізілсе, 2019 жылыда  5 (Қақпақ, Қызылата, Жаңажол, Шарбұлақ, Қаржан) елді ағымдағы жөндеу жұмыстары жүргізіледі және 2018 жылы  аудандық бюджеттен 105,7 млн. теңгеге 8 елді мекенге (Қақпақ, Қазығұрт, Қызылдала, Ащыбұлақ, Жылыбұлақ, Сынтас, Тұрбат, Алтынтөбе) ағымдағы жөндеу жұмыстары жүргізілсе, 2019 жылы 44,2 млн теңгеге 4 (Рабат, Амангелді, Үшбұлақ, Қызылбұлақ) елді мекенге ағымдағы жөндеу жұмыстары жүргізіледі.

 

Автомобиль жолдары:

Аудандық автокөлік жолдарын жақсарту мақсатында аудандық маңызы бар 25 шақырым 4 жолға (Қақпақ- Сырлысай, Жаңажол- Айнатас, Көктен ата кірме жолы, Ақпан-Қызылкезең-Атбұлақ) жалпы 745,2 млн.теңге оның ішінде 2017 жылға 285,9 млн теңге, 2018 жылға өтпелі болып 459,3 млн.теңге және 1 жолды (Қарабастау-Жеңіс) орта жөндеу жұмыстарына 2017 жылға 59,5 млн.теңге, 2018 жылға өтпелі болып 156,0 млн.теңге жалпы 215,5 млн. теңге қаржы бөлініп, жұмыстар атқарылды.

Сонымен қатар, аудандық бюджет есебінен 2018 жылға 681,7 млн. теңге қаржы бөлініп жалпы ұзындығы 49,57 шақырымды құрайтын 28 көшеге орта жөндеу және аудандық маңызы бар автомобиль жолдары мен ішкі көшелерді ағымдағы жөндеу жұмыстары жүргізілді.

2019 жылы аудандық бюджет есебінен 21 көшеге (44,6 шқ) 2019-2020 жылдары өтпелі кезеңмен 713,7 млн. теңгеге (2019 жылы – 439,5 млн теңге, 2020 жылы – 274, 2 млн теңге) орта жөндеу жұмыстары жүргізілетін болады.

Аудандық бюджеттен 5 елді мекенде (Шарбұлақ, Өндіріс, Тесіктөбе, Жеңіс, Сынтас) көпірлердің күрделі жөндеу жұмыстарына ЖСҚ-ы әзірлеуге 31,0 млн теңге және 3 (Ақжар-Шанақ – Шанақ бекеті, Шанақ-Бақабұлақ, Қазығұрт-Тұрбат-Өндіріс-Қақпақ) аудандық маңызы бар автомобиль жолдарын күрделі жөндеуге ЖСҚ-ы әзірлеуге 26,9 млн теңге, жалпы 57,9 млн теңге қаржы бөлініп, жұмыстар жүргізілуде.

 

Табиғи газбен қамту:

Елді мекендерді газдандыру жұмыстарына 2018 жылы облыстық бюджеттен 1030,7 млн. теңге, аудандық бюджеттен 48,7 млн теңге жалпы 1 079,3 млн теңге бөлініп, 4 жоба 2 елді мекенде құрылыс жұмыстары жүргізілді. Қазіргі күнге 3 жоба бойынша құрылыс жұмыстары аяқталды. Ауданда 2018-2020 жылдары 14 елді мекенді табиғи газбен қамтамасыз ету құрылыс жұмыстарына жобалық сметалық құжаттар әзірленіп, құрылыс жұмыстарын  жүргізу жоспарланған. 2021 жылы табиғи газбен қамтылған елді мекендер санын 61-ге, 95,3 пайызға жеткізу жоспарланған.

 

Электр қуатымен қамту:

2018 жылы 13 елді мекеннің көшелерін электр жарығымен қамтамасыз ету үшін ЖСҚ әзірленіп, 2019 жылға Айнатас және Жылыбұлақ елді мекендердің электр желісінің құрылыс жұмыстарына облыстық бюджеттен 110,0 млн. теңге қаржы қаралды. Ал қалған 11 нысан 2019-2020 жылдары құрылыс жұмыстары жүргізілетін болады.

Оңтүстік Жарық Транзит» ЖШС-нің инвестициялық бағдарламасы есебінен 2018 жылы Шарбұлақ елді мекені, Желтоқсан көшесіндегі (жаңадан қоныстанған аумақ) электр энергиясы жетіспейтін аумақтарды электр энергиясымен қамтамасыз ету жұмыстары жүргізілді. Ол жердегі атқарылатын жұмыстарды нақты айтсақ, 160 кВа-лық  2 трансформатор орнатылып, 700,0 метр 10 кВ және 7,0 километр  0,4 кВ (СИП) электр желілері  тартылды.  Одан бөлек аудан көлеміндегі елді мекендерде 64,8 шақырым ескі электр желісі, 1087 дана электр бағаналары және 8 дана трансформатор ауыстырылды.

Бұл жұмыстар ары қарай жыл сайын бағдарламаға сәйкес жалғасын табады.

2018 жылы 5 елді мекендегі 12 көше жарықтандыруға ағымдағы жөндеу жұмыстары жүргізілді (Жігерген елді мекенінде Ә.Шыршықбаев көшесі, Көкібел елді мекенінде Ә.Әзімқұлов, Ә.Дәулетұлы көшелері, Рабат елді мекенінде Ақпан батыр, М.Әуезов, С.Сейфуллин, Ж.Әбенов, Объедков және Нышанов көшелері, Шарбұлақ С.Аширов көшесі, Шанақ елді мекенінде Нұржан болыс және Бекқұлов Қаныбек көшелер).

2019 жылы  Қақпақ, Қызылқия, Тұрбат, Жаңабазар, Қарабау, Алтынтөбе, Шарапхана ауыл округіндегі орталық көшелерді жарықтандыру жұмыстары жүргізіледі. Аудандық бюджеттен 67 641,1 мың теңге қаржы қаралған.

Одан бөлек 2019 жылы аудан орталығындағы әлеуметтік нысандарға баратын (мектеп, бала-бақша, ФАП, және т.б) Ш.Қалдаяқов, Қожақұл-би, Байбек, Д.Қонаев, Н.Мұратов, Ш.Уалиханов, Төле-би, Кенжебаев көшелерін жарықтандыруға аудандық бюджеттен 5,0 млн теңге қаржы бөлініп сметалық есеп әзірлеу жұмыстары жүргізілуде.

 

Аудан халқының күн санап өсуіне байланысты, өңірімізде көпқабатты үйлер салынуда.

Қазығұрт елді мекеніне қарасты «Болашақ» мөлтек ауданынан 2 қабатты 16 пәтерлі 4 тұрғын үй құрылысына облыстық бюджеттен 460,4  млн. теңге қаралып, 2017 жылға  179,0 млн. теңге бөлінсе, 2018 жылы қосымша 84,9 млн. теңге бөлініп, ағымдағы жылы аталған көпқабатты тұрғын үй пайдалануға берілді. Қазығұрт ауданы бойынша тұрғын үйге мұқтаж 393 отбасының 64 отбасына берілді. Оның ішінде жетім балалар, ата-анасының қамқорлығынсыз қалған балалар-13 отбасы, халықтың әлеуметтік жағынан қорғалатын осал топқа жататын- 39 отбасы, мемлекеттік қызметкерлер, бюджеттік ұйымның қызметкерлері-11 отбасы, жалғыз тұрғын үйі Қазақстан Республикасының заңнамасында белгіленген тәртіппен авариялық жағдайда деп танылған – 1 отбасына берілді.

Қазіргі таңда аудан бойынша тұрғын үйге мұқтаж 339 отбасы бар. Алдағы уақытта тұрғын үй салынып, пайдалануға берілген соң, заң талаптарына сәйкес тұрғын үй беріледі. 

Қ.Әбдалиев ауылдық округі, Атбұлақ елді мекенінде  17 пәтерлі, 1 қабатты қызметтік тұрғын үй құрылысы басталып, 2018 жылы 83,1 млн. теңгесі игерілді. 2019 жылға 111,0 қарастырылған.

Абаттандыру жұмыстары бойынша

Қазығұрт ауыл округі, Қазығұрт елді мекені Д.Қонаев көшесі бойында орналасқан Данқты батыр бабалар аллеясындағы Ұлы-Отан соғысы ардагерлеріне арналған обелискіні, ағымдағы жөндеу жұмыстарына 2018 жылы аудандық бюджеттен 25,5 млн. теңге қаржы бөлініп 7416  майдангер аты тасқа жазылып пайдалануға берілді.

Сонымен қатар Қазығұрт ауыл округі Қазығұрт елді мекеніне кіре беріс «Алматы – Термез» автомобиль жолының оң жақ бойынан демеушілер есебінен «Монумент» орнатылып абаттандыру жұмыстары жүргізілді.

 

Толығырақ

Қазақстандағы цифрлық телевидение

images/Habarlandru/2.jpg

We have 22 guests and no members online

Байланыс желілері

Қазығұрт ауданы әкімі аппаратының байланыс желілері

 

Блог

Төлеген Тұртайұлы Телғараев 1973 жылы туылған, ...
Template Settings

Color

For each color, the params below will give default values
Blue Green Red Radian
Select menu
Google Font
Body Font-size
Body Font-family
http://www.zoofirma.ru/